მოსკოვის ოლქზე სხვადასხვა მიმართულებიდან დრონებით შეტევა ხორციელდება, - ინფორმაციას “ტელეგრამ” არხები ავრცელებენ.

მოსკოვის მერის, სერგეი სობიანინის განცხადებით, საჰაერო თავდაცვის სისტემამ მოსკოვის მიმართულებით 650 უპილოტო საფრენი აპარატის თავდასხმა მოიგერია. მერის ინფორმაციით, „ნამსხვრევების ჩამოვარდნის ადგილზე გადაუდებელი დახმარების სამსახურები მუშაობენ“.

„5 ოქტომბრის 20:30 საათიდან 6 ოქტომბრის, დილის 5:00 საათამდე, მოსკოვის რეგიონის მიმართულებით 650 უპილოტო საფრენი აპარატი მიფრინავდა“, - განაცხადა სობიანინმა.

გავრცელებული ინფორმაციით, დღეს დილით, „როსავიაციამ“ “ვნუკოვოს”, “დომოდედოვოს”, “შერემეტიევოსა” და “ჟუკოვსკის” აეროპორტებში დროებითი შეზღუდვები დააწესა.