„ქართული ოცნების“ მიერ ოპოზიციური პარტიების აკრძალვის თაობაზე მომზადებული საკონსტიტუციო სარჩელი საკონსტიტუციო სასამართლოს პირველმა კოლეგიამ განსახილველად საქართველოს საკონსტიტუციო სასამართლოს პლენუმს გადასცა.

საკონსტიტუციო სასამართლოს პირველი კოლეგიის მიერ კონსტიტუციური სარჩელის არსებითად განსახილველად მიღების განმწესრიგებელი სხდომა, ზეპირი მოსმენის გარეშე, 2026 წლის 6 ოქტომბერს გაიმართა.

კოლეგიის შემადგენლობაში იყვნენ: ვასილ როინიშვილი - სხდომის თავმჯდომარე, მომხსენებელი მოსამართლე; ევა გოცირიძე - წევრი; გიორგი თევდორაშვილი - წევრი; გოგა კიკილაშვილი - წევრი.

შეგახსენებთ, განახლებული საკონსტიტუციო სარჩელი, რომელსაც პარტია „გახარია საქართველოსთვის“ დაემატა, საკონსტიტუციო სასამართლოში 21 სექტემბერს შევიდა. მანამდე „ქართული ოცნების“ საკონსტიტუციური სარჩელით მოთხოვნილი იყო „ნაციონალური მოძრაობის“, „კოალიცია ცვლილებისთვის“, „ძლიერი საქართველო – ლელოს“ და „ფედერალისტების“ საქმიანობის არაკონსტიტუციურად ცნობა და აკრძალვა.