უკრაინის პრეზიდენტმა ვოლოდიმირ ზელენსკიმ საფრანგეთის პრეზიდენტ ემანუელ მაკრონთან ის გამოწვევები განიხილა, რომლებიც აშშ-ის პრეზიდენტ დონალდ ტრამპის მიერ რუსული დიზელის საწვავის ექსპორტზე სანქციების შემსუბუქების შედეგად წარმოიშვა. ამის შესახებ უკრაინული მედია წერს.

როგორც ზელენსკიმ აღნიშნა, საუბარი იმ დროს შედგა, როდესაც რუსეთი კიევს ბალისტიკური რაკეტებით უტევდა.

ზელენსკის განცხადებით, უკრაინისთვის დამატებითი საჰაერო თავდაცვის პაკეტების საჭიროება აშკარაა.

„სამწუხაროდ, ამ დღეებში სარაკეტო შეტევების საფრთხე კვლაც ნარჩუნდება“, - განაცხადა ზელენსკიმ.

მისივე თქმით, მნიშვნელოვანია რუსეთზე ზეწოლის გაგრძელება და ერთობლივი გაბედული ნაბიჯების გადადგმა.

„განვიხილეთ გამოწვევები, რომლებიც უკავშირდება რუსულ ნავთობპროდუქტებზე სანქციების შემსუბუქებას. რუსებმა უნდა იგრძნონ, რომ მათ აღარ აქვთ ომის გახანგრძლივების შესაძლებლობა. კოორდინაციას ვახდენთ კონკრეტულ საკითხებთან დაკავშირებით და ვამზადებთ შეხვედრებს“, - განაცხადა ზელენსკიმ.