კიევს 60-დღიანი ცეცხლის შეწყვეტა არა არჩევნების ჩასატარებლად, არამედ ჭრილობების მოსაშუშებლად და ომის გასაგრძელებლად სჭირდება, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.

„კიევს სინამდვილეში არჩევნების ჩატარება არ სურს, ეს სრულიად აშკარაა და მათ 60-დღიანი ცეცხლის შეწყვეტა სჭირდებათ არა არჩევნებისთვის, არამედ ძალების მოსაკრებად, ჭრილობების მოსაშუშებლად და ომის გასაგრძელებლად“, - განაცხადა პესკოვმა.

შეგახსენებთ, აშშ-ის პრეზიდენტმა დონალდ ტრამპმა განაცხადა, რომ დროა, უკრაინას ახალი პრეზიდენტი ჰყავდეს. საპასუხოდ, უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა არჩევნებს ჩაატარებს იმ შემთხვევაში, თუ რუსეთის პრეზიდენტი ვლადიმერ პუტინი 60-დღიან ცეცხლის შეწყვეტას დათანხმდება.