დონალდ ტრამპმა საბერძნეთში აშშ-ის ელჩს, კიმბერლი გილფოილს, თანამდებობის დატოვება მოსთხოვა.

მედიის ინფორმაციით, გადაწყვეტილებას საფუძვლად დაედო ბრალდებები არასათანადო ქცევის შესახებ.

დონალდ ტრამპის ყოფილი დონორის, ერიკ დეტერსის განცხადებით, გილფოილმა სენატში მისი კანდიდატურის დამტკიცებამდე რამდენიმე დღით ადრე ტექსტური შეტყობინებით სთხოვა, მისთვის 100 000 დოლარი გადაერიცხა American Express-ის საკრედიტო ბარათზე არსებული დავალიანების დასაფარად. დეტერსის თქმით, გილფოილი სანაცვლოდ ადმინისტრაციასთან წვდომას ჰპირდებოდა.

ინფორმაცია იმის შესახებ, რომ გილფოილი თანამდებობას დატოვებს, თეთრი სახლის პრესმდივანმა ქეითი ზაქარიამ ჟურნალისტებთან გამართულ პირველ ბრიფინგზე დაადასტურა.

მედიის თანახმად, გილფოილი 2001-2006 წლებში კალიფორნიის გუბერნატორ გევინ ნიუსომზე იყო დაქორწინებული. მეორედ მან ბიზნესმენ ერიკ ვილენსისთან იქორწინა. გილფოილი ხანგრძლივი პერიოდის განმავლობაში ტრამპების ოჯახთან დაახლოებული პირი იყო. 2018 წლიდან 2024 წლის ბოლომდე მას რომანტიკული ურთიერთობა აკავშირებდა პრეზიდენტის ვაჟთან, დონალდ ტრამპ-უმცროსთან; ისინი თითქმის ოთხი წლის განმავლობაში იყვნენ დანიშნულები. გილფოილი ათენში ვაშინგტონის წარმომადგენლის თანამდებობაზე 2025 წლის სექტემბერში დაინიშნა.