შინაგან საქმეთა სამინისტრო თურქეთის აეროპორტში „კოალიცია ცვლილებისთვის“ ერთ-ერთი ლიდერის, ზურაბ გირჩი ჯაფარიძის დაკავებასთან დაკავშირებით განმარტებას აკეთებს.

როგორც „ინტერპრესნიუსს“ შინაგან საქმეთა სამინისტროში განუცხადეს, ჯაფარიძის „რომელიმე ქვეყანაში შესვლის აკრძალვა საქართველოს შინაგან საქმეთა სამინისტროს მოთხოვნა არ ყოფილა”.

ცნობისთვის, ზურაბ გირჩი ჯაფარიძის განცხადებით, ის თურქეთში, საზღვარზე დააკავეს. პოლიტიკოსის ცნობით, მას აუხსნეს, რომ „2025 წლის ნოემბრიდან „ბანი“ ადევს ქვეყანაში შესვლაზე, რადგან მათ ინფორმაცია აქვთ მიღებული საქართველოს ოფიციალური სტრუქტურებიდან“.

ზურაბ გირჩი ჯაფარიძის განცხადებით, მას ქვეყანაში ხვალ აბრუნებენ.