კახეთის გზატკეცილზე მომხდარი ავარიის შედეგად ერთი ადამიანი დაშავდა.

“ინტერპრესნიუსის” ინფორმაციით, სატვირთო ტრაილერი და ავტობუსი ერთმანეთს შეეჯახა. დაშავებული სასწრაფო დახმარების ჯგუფმა კლინიკაში გადაიყვანა.

როგორც “ინტერპრესნიუსს” შინაგან საქმეთა სამინისტროში განუცხადეს, მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

"ტვ პირველის" ფოტო.