ქუთაისის მე-2 პენიტენციურ დაწესებულებაში პატიმარი გარდაიცვალა. აღნიშნული ფაქტი 9 ოქტომბერს მოხდა.

როგორც „ინტერპრესნიუსს“ სპეციალურ პენიტენციურ სამსახურში განუცხადეს, პატიმარი საკანში არსებული 2-სართულიანი საწოლიდან გადმოვარდა, მასთან ექიმი მყისიერად მივიდა, თუმცა, მისი გადარჩენა ვერ მოხერხდა.

არსებული ინფორმაციით, პატიმარი 6-კაციან საკანში 5 თანამესაკნესთან ერთად იმყოფებოდა, რა დროსაც ის საწოლიდან გადმოვარდა და ძირს სახით დაეცა. სწორედ მასთან ერთად მყოფმა პატიმრებმა დაუძახეს ციხის ადმინისტრაციას დახმარების გაწევის მიზნით, თუმცა, ექიმმა პატიმრის გადარჩენა ვერ შეძლო.

ციხის ადმინისტრაციამ შესაბამის უწყებას ინფორმაცია მიაწოდა და ფაქტთან დაკავშირებით გამოძიება დაიწყო.