სადაზვერვო ინფორმაციის 2/3-ს უკრაინას ევროპელები აწვდიან. ამის შესახებ საფრანგეთის საგარეო საქმეთა მინისტრმა, ჟან-ნოელ ბარომ რადიო France Inter-თან საუბარში განაცხადა.

ბარომ აღნიშნა, რომ “უკრაინაში ომის დაწყებიდან უკვე ოცჯერ გვითხრეს, რომ უკრაინა დაეცემა, რომ აშშ უკრაინას მიატოვებს”.

“მაგრამ სიმართლე იმაში მდგომარეობს, რომ ევროპა უკვე დიდი ხანია კიევს დახმარების ძირითად ნაწილს აწვდის”, - განაცხადა ბარომ.

საფრანგეთის საგარეო მინისტრის თქმით, “სადაზვერვო მონაცემების ორი მესამედი, რომლებსაც დღეს უკრაინა იღებს, ევროპელებისგან მოდის, კერძოდ საფრანგეთისგან”.

“ჩვენ ომს ვაწარმოებთ არა მხოლოდ ბრძოლის ველზე, არამედ ადამიანების გონებაშიც”, - განაცხადა ბარომ და აღნიშნა, რომ “კრემლსა და მის ტროლებს სოციალურ მედიაში” უკრაინელებისა და ევროპელების მიერ უკრაინის მხარდაჭერის სურვილის “ჩაკვლა” სურთ.