ეგზიტპოლების მიხედვით, ისრაელში მთავრობის დამოუკიდებლად ფორმირებისთვის საჭირო უმრავლესობას ვერც ბენიამინ ნეთანიაჰუს და ვერც გადი აიზენკოტის ბლოკი ვერ ახერხებს

ისრაელის მე-12 არხმა საპარლამენტო არჩევნების ეგზიტპოლის მონაცემები განაახლა, რომლის მიხედვითაც, პრემიერ-მინისტრ ბენიამინ ნეთანიაჰუს პარტია „ლიკუდი“ და მისი მემარჯვენე მოკავშირეები ქნესეთში 52 მანდატს მოიპოვებენ, მისი მთავარი კონკურენტის, გადი აიზენკოტის ბლოკი კი - 49-ს.

ტელეკომპანიის მიერ მანამდე გამოქვეყნებული ეგზიტპოლის შედეგებით, აიზენკოტის ბლოკს 52 მანდატი ჰქონდა. საზოგადოებრივი მაუწყებლის Kan 11-ისა და მე-13 არხის ეგზიტპოლების თანახმად, ბლოკებს თანაბარი რაოდენობის - 51-51 მანდატი აქვთ.

ეგზიტპოლების თანახმად, მთავრობის დამოუკიდებლად ფორმირებისთვის საჭირო უმრავლესობის, 61 მანდატის, მოპოვებას 120-ადგილიან ქნესეთში ვერცერთი მათგანი ვერ შეძლებს.

არჩევნებზე ამომრჩეველთა აქტივობამ 77.7% შეადგინა.