პარლამენტმა დაჩქარებული წესით მიიღო ცვლილებები, რომლითაც შესაძლებელი ხდება პრემიერ-მინისტრის სპეციალური წარმომადგენლის ფუნქცია მინისტრის პირველ მოადგილეს ან მოადგილეს დაეკისროს
პარლამენტმა დაჩქარებული წესით „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ კანონში ცვლილები შეიტანა, რომლის მიხედვით, შესაძლებელი ხდება პრემიერ-მინისტრის სპეციალური წარმომადგენლის ფუნქცია მინისტრის პირველ მოადგილეს ან მოადგილეს დაეკისროს.
ამავე პროექტით, შესაძლებელი ხდება, რომ მინისტრის პირველმა მოადგილემ ან მოადგილემ შეთავსებით შესაბამისი სამინისტროს მმართველობის სფეროში შემავალი სსიპ-ის ან საქვეუწყებო დაწესებულების ხელმძღვანელის უფლებამოსილება შეასრულოს.
როგორც მთავრობა განმარტავს, აღნიშნული ფუნქციების დამატება დამატებითი ანაზღაურების დაწესებას არ ითვალისწინებს და ის ანაზღაურების გარეშე განხორციელდება.
ცნობისთვის, გასულ კვირას საგარეო საქმეთა მინისტრის პირველი მოადგილე გიორგი ზურაბაშვილი რუსეთთან ურთიერთობის საკითხებში პრემიერ-მინისტრის სპეციალურ წარმომადგენლად დანიშნა.
