საკონსტიტუციო სასამართლოს შენობასთან ხმაური იყო - „ქართული ოცნების“ წევრებს, სასამართლოს შენობის დატოვებისას, აქციის მონაწილეები შეძახილებით დახვდნენ
საკონსტიტუციო სასამართლოს შენობასთან ხმაური იყო. „ქართული ოცნების“ წევრებს, სასამართლოს შენობის დატოვებისას აქციის მონაწილეები შეძახილებით - „მონებო“ - დახვდნენ.
„მთავარი გზავნილია ბიძინა უდრის რუსეთს. რუსეთი ოკუპანტია და ტერორისტი სახელმწიფოა. 37 - იან წლებში ხალხს ხვრეტდნენ და ასახლებდნენ, ახლა კი ჩვენ არჩევანის უფლებას გვართმევენ და გვანადგურებენ“, - განაცხადა აქციის ერთ-ერთმა მონაწილემ.
ცნობისთვის, აღნიშნული პირები ტრადიციულად, ყოველ დღე საკონსტიტუციო სასამართლოს შენობასთან საპროტესტო აქციას მართავენ.
