რეჯეფ თაიფ ერდოღანმა დონალდ ტრამპს განუცხადა, რომ თურქეთი მზადაა, წვლილი შეიტანოს უკრაინასა და რუსეთს შორის დიპლომატიური პროცესის აღდგენაში
თურქეთისა და რუსეთის პრეზიდენტებმა, რეჯეფ თაიფ ერდოღანმა და ვლადიმერ პუტინმა სატელეფონო საუბარი გამართეს, რომლის დროსაც თურქეთ-აშშ-ის ორმხრივი ურთიერთობები, ასევე რეგიონული და გლობალური მოვლენები განიხილეს.
თურქეთის პრეზიდენტის ადმინისტრაციის ინფორმაციით, პრეზიდენტმა ერდოღანმა განაცხადა, რომ გაგრძელდება ძალისხმევა თურქეთ-აშშ-ის ურთიერთობების გასაძლიერებლად, ასევე ყველა სფეროში თანამშრომლობის გასაღრმავებლად.
პრეზიდენტმა ერდოღანმა აღნიშნა, რომ თურქეთი ყურადღებით ადევნებს თვალყურს ჰორმუზის სრუტესა და იემენში მიმდინარე მოვლენებს და ცდილობს, პრობლემები დიპლომატიური გზით მოგვარდეს.
“პრეზიდენტმა ერდოღანმა ხაზი გაუსვა, რომ თურქეთი მზადაა, წვლილი შეიტანოს უკრაინასა და რუსეთს შორის დიპლომატიური პროცესის აღდგენასა და ამ პროცესის გზით ომის დასრულებაში”, - აღნიშნულია თურქეთის პრეზიდენტის ადმინისტრაციის ინფორმაციაში.
