„დაჭრილ მებრძოლთა თანადგომის ფონდის“ იანვარი-ოქტომბრის 2026 წლის საქმიანობის ანგარიში

„დაჭრილ მებრძოლთა თანადგომის ფონდი“ აგრძელებს აქტიურ საქმიანობას დაჭრილ-დაშავებულ სამხედროთა და მათი ოჯახების დასახმარებლად.

2026 წელს დონაციის საერთო მოცულობამ 570 387 ლარი შეადგინა. მიმდინარე წლის იანვარ-ოქტომბერში ფონდმა 381 414 ლარით გაუწია დახმარება 76 დაჭრილ-დაშავებულ მებრძოლს, ასევე ბენეფიციართა არასრულწლოვან შვილებსა და მეუღლეებს.

საანგარიშო პერიოდში ფონდის მხრიდან დაფინანსდა:

• 149 482 ლარი - თავდაცვის სამინისტროსთან ერთად თანადაფინანსებაში მონაწილეობა;
• 64 677 ლარი - გადაუდებელი ოპერაციები;
• 7 484 ლარი - მედიკამენტები;
• 41 036 ლარი - სამედიცინო მომსახურება;
• 78 004 ლარი - არასრულწლოვანი შვილების დახმარება;
• 24 851 ლარი - სამხედროთა მეუღლეების დახმარება;
• 12 991 ლარი - პროფესიული გადამზადება;
• 2 887 ლარი - საცხოვრებლის ადაპტაცია.

ფონდის შემომწირველები სხვადასხვა კომპანია თუ კერძო პირია. დონაციის მიზანია ბენეფიციართა მხარდაჭერა ჯანმრთელობის დაცვის, განათლების, პროფესიული გადამზადებისა და საზოგადოებასთან ადაპტაციის მიმართულებით.

კომპანია „სილქნეტმა“ „დაჭრილ მებრძოლთა თანადგომის ფონდი“ 2018 წელს დააფუძნა და მის საქმიანობას ყოველწლიურად 300 000 ლარით აფინანსებს.

ფონდი აქტიურად უჭერს მხარს საქართველოს თავდაცვის სამინისტროს დაჭრილ მებრძოლთა სპორტულ გუნდებს და ხელს უწყობს მათი საწვრთნელი პირობების გაუმჯობესებას. მიმდინარე წელს ფონდმა სპორტული ეტლები გადასცა მჯდომარე რაგბის გუნდს, სხვადსხვა პერიოდში სპეციალური სპორტული ინვენტარით აღჭურვა მშვილდოსნები, ხოლო მჯდომარე კალათბურთის გუნდებისთვის სპორტული ეტლები შეიძინა.

ამჟამად დაჭრილ მებრძოლთა სპორტული გუნდები 2027 წლის „ძლიერთა თამაშებისთვის“ (Invictus Games) ემზადებიან, რომელიც დიდი ბრიტანეთის ქალაქ ბირმინგემში გაიმართება.

„დაჭრილ მებრძოლთა თანადგომის ფონდი” განსაკუთრებულ ყურადღებას უთმობს დაჭრილი მებრძოლებისა და მათი მეუღლეების განათლებასა და პროფესიულ გადამზადებას. ამასთან, ფონდი რეგულარულად აფინანსებს ბენეფიციართა არასრულწლოვანი შვილებისთვის სხვადასხვა საგანმანათლებლო კურსს.

მიმდინარე წლის სექტემბერში ვეტერანთა არასრულწლოვანი შვილებისთვის კომპიუტერული პროგრამირებისა და ინგლისური ენის სპეციალური სასწავლო კურსი შემუშავდა. ერთწლიანი პროგრამა სექტემბერში დაიწყო და რამდენიმე ათეულ მოზარდს ცოდნის გაღრმავებისა და ახალი უნარების შეძენის შესაძლებლობას მისცემს.

„დაჭრილ მებრძოლთა თანადგომის ფონდის“ ბენეფიციართა არასრულწლოვანი შვილებისთვის უფასოდაა ხელმისაწვდომი ლიდერობის აკადემია „საბადოს“ საგანმანათლებლო პროგრამები. თანამშრომლობის შესახებ შეთანხმება ფონდსა და დავით ბეჟუაშვილის განათლების ფონდის ინიციატივით დაარსებულ ლიდერობის აკადემიას შორის გასულ წელს გაფორმდა.

თანამშრომლობის მემორანდუმის ფარგლებში აკადემიამ 19 მოსწავლე მიიღო, რომლებიც 2025-2026 წლებში რვა თემატურ პროგრამაში ჩაერთნენ. პროგრამები მოიცავს ადგილობრივ თვითმმართველობას, მენეჯმენტსა და ეკონომიკას, დიპლომატიასა და საერთაშორისო ურთიერთობებს, კრიზისების მართვას, პოლიტიკურ სისტემებსა და მათი მართვის საკითხებს. მოსწავლეებისთვის ასევე ხელმისაწვდომი გახდა საერთაშორისო საგანმანათლებლო პროგრამები, რომლებიც აკადემია „საბადომ“ ჰარვარდისა და სტენფორდის უნივერსიტეტებთან თანამშრომლობით განახორციელა. მათ შორისაა ლიდერობის კურსი (ჰარვარდი) და „პოლიტიკის ფსიქოლოგია სოციალურ მედიაში“ (სტენფორდი).

ტრა­დი­ცი­ად იქცა დაჭ­რილ­ მებრძოლთა მხარ­და­სა­ჭე­რი ყოველწლიური საქ­ველ­მოქ­მე­დო გარ­ბე­ნი, რომლის მი­ზა­ნია სა­ზო­გა­დო­ე­ბა­ში ფონ­დის შე­სა­ხებ ცნო­ბი­ე­რე­ბის ამაღ­ლე­ბა. წელს უკვე მე­ოთხედ, სხვა­დას­ხვა ქვეყ­ნის სამ­ხედ­რო ატა­შე­ე­ბმა, სა­ქარ­თვე­ლოს თავ­დაც­ვის სა­მი­ნის­ტროს­თან და „დაჭ­რილ მებ­რძოლ­თა თა­ნად­გო­მის ფონდთან ერ­თად“, სპორ­ტული ღო­ნის­ძი­ე­ბა უფრო მასშტაბური გახადეს. რე­გის­ტრა­ცი­ი­დან შე­მო­სუ­ლი თან­ხა სრუ­ლად გადაირი­ცხა „დაჭ­რილ მებ­რძოლ­თა თა­ნად­გო­მის ფონდში“.

ფონდი მუდმივად ახორციელებს გაწეული საქმიანობის პასუხისმგებლიან ანგარიშგებას. ფინანსური და წლიური ანგარიშები საჯაროდ ხელმისაწვდომია ფონდის ვებგვერდზე.

ფონდში წვლი­ლის შე­ტა­ნა და გმი­რე­ბის მხარ­და­ჭე­რა ნე­ბის­მი­ერ მსურ­ველს შე­უძ­ლია:

ვებგ­ვერ­დი: www.wwsf.ge (სა­ბან­კო გა­და­რი­ცხვით)

საქ­ველ­მოქ­მე­დო ნო­მე­რი: 0 901 777 771

(R)