ვოლოდიმირ ზელენსკი - რუსეთის ნავთობგადამამუშავებელი ქარხნების წინააღმდეგ ოპერაცია გრძელდება
რუსეთის ნავთობგადამამუშავებელი ქარხნების წინააღმდეგ ოპერაცია გრძელდება. ამის შესახებ განცხადებას უკრაინის პრეზიდენტი, ვოლოდიმირ ზელენსკი ავრცელებს.
„რუსეთის ნავთობგადამამუშავებელი მრეწველობის წინააღმდეგ ოპერაცია გრძელდება - უკრაინის ენერგოობიექტებზე რუსული თავდასხმების საპასუხოდ.
ჩვენი ელექტროსადგურები, ენერგეტიკული ქსელი, თბომომარაგების, წყალმომარაგების ობიექტები, სამოქალაქო ლოჯისტიკა - ეს ყველაფერი “შაჰედებისა” და რაკეტების მუდმივი თავდასხმის ქვეშაა. რუსები არ ცვლიან თავიანთი აგრესიული ქმედებების ბუნებას, მათ მიატოვეს დეესკალაციური ნაბიჯები, რომლებზეც ჩვენი პარტნიორები საუბრობდნენ, და გათვლა აქვთ მომავალ დარტყმებზე. ჩვენ განვსაზღვრეთ ჩვენი პასუხები”, - წერს ზელენსკი.
