ბენჟამინ ჰადადი - 16 ნოემბერს ევროკავშირი რუსეთის წინააღმდეგ ახალ სანქციებს დააწესებს
16 ნოემბერს ევროკავშირი რუსეთის წინააღმდეგ ახალ სანქციებს დააწესებს, - ამის შესახებ საფრანგეთის ევროპულ საქმეთა მინისტრმა, ბენჟამინ ჰადადმა განაცხადა.
„ორშაბათს რუსეთის წინააღმდეგ ახალ სანქციებს დავაწესებთ, რომელიც დამატებით 150 სუბიექტსა და 50 ბანკს მოიცავს“, - განაცხადა ჰადადმა.
მისი თქმით, სანქციების სიაში დასამატებლად რუსული ორგანიზაციების დიდი ნაწილი სწორედ საფრანგეთმა წარადგინა.
„ჩვენ რუსეთზე ეკონომიკურ ზეწოლას და რა თქმა უნდა, უკრაინის მხარდაჭერას გავაგრძელებთ“, - აღნიშნა მინისტრმა.
