ლევან ხაბეიშვილი - მინდა, გამოვეხმაურო „მინსკში ღალატს“ - რუსებთან მარტო წაბოდიალდა და ვინ? ვიღაც უსახელო და უგვარო! თან სად? ფაქტობრივად, მტრის მოედანზე! - ბოლოს გავხდებით რუსეთის ჩეჩნეთი

ლევან ხაბეიშვილი - მინდა, გამოვეხმაურო „მინსკში ღალატს“ - რუსებთან მარტო წაბოდიალდა და ვინ? ვიღაც უსახელო და უგვარო! თან სად? ფაქტობრივად, მტრის მოედანზე! - ბოლოს გავხდებით რუსეთის ჩეჩნეთი

რუსებთან მარტო წაბოდიალდა და ვინ?! ვიღაც უსახელო და უგვარო! თან სად?! ფაქტობრივად, მტრის მოედანზე!, - ამის შესახებ პატიმრობაში მყოფი „ნაციონალური მოძრაობის“ ერთ-ერთი ლიდერი ლევან ხაბეიშვილი სოციალურ ქსელში წერს.

ოპოზიციონერი პოლიტიკოსი მინსკში საქართველოს პრემიერ-მინისტრის სპეციალურ წარმომადგენელსა და რუსეთის საგარეო საქმეთა მინისტრის მოადგილეს შორის დაგეგმილ შეხვედრას „მინსკში ღალატს“ უწოდებს.

ლევან ხაბეიშვილი წერს, რომ პარტიების შემდეგ ყველანაირი კრიტიკა და განსხვავებული აზრი აიკრძალება, საბოლოოდ კი რუსეთის ჩეჩნეთი გავხდებით.

„მოძალადე ქმარი, რომელიც სახის ძვლებს ულეწავს ცოლს, ერთადერთ შემთხვევაში იკავებს თავს თუ ქალი დაიხმარს კანონს, სამართალს, მეზობლებს, ახლობლებს, ნათესავებს… ასეთ დროს მოძალადე თავს ხრის და ერთი სული აქვს დაიმარტოხელოს მსხვერპლი…

ჰოდა, აგერ რუსებთან, მარტო წაბოდიალდა და ვინ?! ვიღაც უსახელო და უგვარო… თან სად?! ფაქტობრივად მტრის მოედანზე! მე შენ გეტყვი ახლა ეს ვიღაც “ტიპი” კრამიტებს დაამტვრევს! ერთი რომ შეუღრინონ… ბევრი რომ არ გავაგრძელო მოგახსენებთ ჩემს აზრს.

რუსებთან, მტერთან 1-1-ზე - მინდა, გამოვეხმაურო „მინსკში ღალატს”.

ქვეყანა იხურება, აბსოლუტური იზოლაციისკენ მიდის კაციჭამია ივანიშვილი! უკიდურესი ეკონომიკური კოლაფსია მოსალოდნელი! 5 - ლარიანი საწვავი სანატრელი გახდება! 1$-ის ღირებულება 4 ლარს გადააჭარბებს, ყველა საერთაშორისო სისტემიდან მოხდება საქართველოს ამორიცხვა, ლარის კუპონიზაცია 3-4-ჯერ უფრო სწრაფი ტემპით გაგრძელდება, ჩაიკეტება ევროპა ჩვენი მოქალაქეებისთვის! საერთაშორისო ვაჭრობის მიმართულებით უკიდურესად დამძიმდება “ბიზნესის” რეალობა და ცხადია, ასეთ დროს უკვე აკრძალული უნდა იყოს ოპოზიცია! ასევე, ამ დროში უნდა აიკრძალოს ტელევიზიები! „ფეისბუქი“, „იუთუბი“ და სხვა სოციალური პლატფორმების კრიმინალიზება მოხდება და განსხვავებული აზრი საბოტაჟის მუხლით დაისჯება!

მოკლედ ეს “აპოკალიფსი” ელის ჩვენს სამშობლოს! “კაი ახლა ამეტებს, ან რეებს წერს სისულელეა” - ამასაც ნახავთ, თუ მხოლოდ კლავიატურის და პულტის იმედად ვიქნებით! შემდეგ მისი დინასტიის თაყვანისცემას მოითხოვენ! ასე „ჩმორულად“ თუ ვიქნებით, არც არაფერი დაუშლის! გაგატყავებენ და მომკითხავი არ გეყოლებათ! პარტიების შემდეგ აიკრძალება ყველანაირი კრიტიკა, განსხვავებული აზრი! და ბოლოს გავხდებით რუსეთის ჩეჩნეთი.

პატივისცემით, სამარტოო საკანი - ხაბე“, - წერს ხაბეიშვილი.