საპარლამენტო უმცირესობის ლიდერი შიდა პოლიტიკური პროცესების ლოგიკის მთლიანად შეცვლის აუცილებლობაზე საუბრობს.
როგორც თარგამაძემ დღევანდელ პოლიტიკურ დებატებისას განაცხადა, საქართველოს დღეს დიდი განახლების პოლიტიკა სჭირდება.
მისი თქმით, ფაქტია, რომ ხელისუფლებას აღარ შესწევს უნარი განახორციელოს რაიმე სახის მოდერნიზაცია ნებისმიერი მიმართულებით.
თარგამაძის აზრით, დიდი განახლების პოლიტიკის გარეშე საქართველო სახელმწიფოდან გადაიქცევა მხოლოდ ტერიტორიად, რომელზეც მშვიდობიან, ცივილიზებულ და დემოკრატიულ დისკუსიას სამუდამოდ დაეკარგება აზრი.
“თუ თქვენ გინდათ დაამარცხოთ პუტინი, გახდით ანტიპუტინი, თუ ჩვენ გვინდა რომ დავამარცხოთ პუტინის რუსეთი, ავაშენოთ ამ ქვეყნის პოლიტიკური სისტემის სრული ალტერნატივა”, – განაცხადა თარგამაძემ.