პარლამენტი ხვალ ფარმაცევტულ საქმიანობასთან დაკავშირებით ახალი ინიციატივის განხილვას იწყებს

პარლამენტი ხვალ ფარმაცევტულ საქმიანობასთან დაკავშირებით მთავრობის ახალი ინიციატივის განხილვას იწყებს.

;ინიციატივაზე, რომელიც "წამლისა და ფარმაცევტული საქმიანობის შესახებ" საქართველოს კანონში ცვლილებების შეტანას ითვალისწინებს, ხვალ პარლამენტის ჯანდაცვის კომიტეტი იმსჯელებს.

;კანონპროექტის ავტორების მტკიცებით, ახალი; ინიციატივა არეგულირებს ფარმაცევტული საქმიანობის წესების დარღვევასთან, ფარმაცევტული პროდუქციის საქართველოს ბაზარზე დაშვების რეჟიმების გვერდის ავლით პროდუქციის მიმოქცევასთან, სააგენტოსთვის სავალდებულო შეტყობინების გარეშე ფარმაცევტული პროდუქციის რეალიზაციის დაწყებასა და დასრულებასთან დაკავშირებულ საკითხებს.

;ასევე, პროექტის თანახმად, ჯანდაცვის სამინისტროს შესაბამისი სამსახურები განახორციელებენ გენერიკული და კვლავწარმოებული ფარმაცევტული პროდუქტის, სისხლის პრეპარატის ხელახალ რეგისტრაციას ეროვნული რეჟიმით.

;საკანონმდებლო ინიციატივას დეპუტატებს ხვალ ჯანდაცვის მინისტრის მოადგილე კოკა ფრუიძე გააცნობს.

;