სამეფო დინასტიის ერთ-ერთი დიდგვაროვანი, იმერეთში მცხოვრები ირაკლი ბაგრატიონი მონარქიის აღდგენის შემთხვევაში არ გამორიცხავს, რომ მეფობაზე პრეტენზია ჰქონდეს.
;;; თერჯოლის რაიონის სოფელ ღვანკითში მცხოვრები, 26 წლის ირაკლი ბაგრატიონი დიდი ირაკლი ბატონიშვილი-ბაგრატიონის შვილიშვილია, რომელიც ერთადერთი იყო, ვინც საქართველოში 37-იან წლებში დახვრეტასა და გადასახლებას გადაურჩა.
;;; იმერელი ბაგრატიონების პოზიციაა, საქართველომ არ ეძებოს სამეფო დიდგვაროვანი შთამომავალი საზღვარგარეთ, როცა ისინი აქვე, ჩვენს ქვეყანაში არიან.
;;; როგორც “ინტერპრესნიუსს” ირაკლი ბატონიშვილი-ბაგრატიონმა განუცხადა, უნდა გაერთიანდნენ იმერეთსა და ქართლ-კახეთში მცხოვრები ბაგრატიონები და გადაწყვიტონ თუ ვინ იქნება მემკვიდრე.
;;; ამ გადაწყვეტილების აუცილებლობა მას შემდეგ დადგა დღის წესრიგში, რაც დავით ბაგრატიონი ანა ბაგრატიონს სკანდალურად გასცილდა და მემკვიდრე არ დარჩათ.
;;; თერჯოლაში მყოფი ბაგრატიონები მზად არიან ისე იმოქმედონ, როგორც პატრიარქი ჩათვლის საჭიროდ. თერჯოლის რაიონის სოფელ ღვანკითში, რომელსაც საბაგრატიონოსაც ეძახიან, სამეფო დინასტიის პირდაპირი შთამომავლები ცხოვრობენ.
