დავით ბაქრაძე - ახალი საგადასახადო კოდექსი ქვეყანაში საგადასახადო ვითარებას თვისობრივად შეცლის
პარლამენტის თავმჯდომარე დავით ბაქრაძე დარწმუნებულია, რომ ახალი საგადასახადო კოდექსი ქვეყანაში საგადასახადოვითარებას თვისობრივად შეცლის და ბიზნესს ლეგალურად წარმოების აბსოლიტური შესაძლებლობა ექნება.
ამის შესახებ ბაქრაძემ პარლამენტის ბიუროს დღევანდელ სხდომაზე განაცხადა.
განახლებული საგადასახადო კოდექსის პროექტის ინიცირება პარლამენტში დღეს მოხდა და მის განხილვას პარლამენტი ე.წ. თავისუფლების აქტის პარალელურად დაიწყებს.
პარლამენტის თავმჯდომარემ ყურადღება იმ გარემოებაზე გაამახვილა, რომ იგი ხელსაყრელ პირობებს მიკრო და მცირე ბიზნესის მწარმოებლებისთვის ქმნის და მათ საგადასახადო რეჟიმს უმარტივებს.
ასევე, ბაქრაძე აცხადებს, რომ ახალი ~საგადასახადო კოდექსის~ პროექტი ყოველგვარი ~ორმაგი წაკითხვისა~ და ინტერპრეტირების შესაძლებლობას გამორიცხავს, რაც ხშირად მეწარმის საწინააღმდეგოდ მოქმედებდა ხოლმე და ა.შ.
იქვე, ბაქრაძემ საფინანსო-საბიუჯეტო კომიტეტს მოუწოდა ახალი საგადასახადო კოდექსი არა მხოლოდ პარლამენტის კედლებში, არამედ მეწარმეებთან ერთად განიხილოს.
v-if="article.gallery" v-html="article.gallery"
