თბილისის საკრებულოს ახლად არჩეული თავმჯდომარე ზაალ სამადაშვილი საკრებულოს პირველი სხდომით კმაყოფილია .

როგორც სამადაშვილმა ჟურნალისტებს სხდომის დასრულების შემდეგ განუცხადა, დღეს მათ შექმნეს ნიადაგი იმისთვის, რომ საკრებულომ სწრაფად დაიწყოს მოქმედება, თბილისელებისთვის ზრუნვა.

სამადაშვილმა ასევე კომენტარი გააკეთა კობა დავითაშვილის მოსაზრებაზე, რომელიც მიიჩნევს, რომ საკრებულოს სხდომები მოსახლეობის აქციების ფონზე უნდა ჩატარდეს.

ზაალ სამადაშვილის თქმით, ყველა თბილისელის სურვილია კეთილდღეობაში იცხოვროს და ამ გზაზე დესტრუქციულობა არავის გამოადგება.

როგორც სამადაშვილმა აღნიშნა, საინტერესო იქნება სხვა თვალსაზრისით და სხვა კუთხით მიდგომები ამ საკითხთან დაკავშირებით.