მსახიობი მზია კვირიკაშვილი მუხათგვერდის სასაფლაოს პანთეონში დაკრძალეს . "სიცილის დედოფლის" მეგობრებმა და ახლობლებმა დაკრძალვის ცერემონიაზე გამოსამშვიდობებელი სიტყვები წარმოთქვეს.

მზია კვირიკაშვილი უკანასკნელ გზაზე ცნობილმა მსახიობებმა, მეგობრებმა, მომღერლებმა, პროექტ "იუმორინას" მონაწილეებმა და რიგითმა მოქალაქეებმა გააცილეს.

ცნობილი მსახიობის მუხადგვერდის პანთეონში დაკრძალვის სურვილი გარდაცვლილის ოჯახის წევრებმა გამოთქვეს.

მზია კვირიკაშვილი 61 წლის ასაკში 28 ივლისს გარდაიცვალა. ის ამერიკაში შეუძლოდ გახდა და 7 ივნისს მძიმე ავადმყოფობის გამო საქართველოში დაბრუნდა. მსახიობს ღვიძლის სიმსივნე დაუდგინეს. მზია კვირიკაშვილი ესტრადაზე 30 წელზე მეტი ხნის განმავლობაში მოღვაწეობდა. ის იყო წარმატებული პროექტის "იუმორინას" ერთ-ერთი ძირითადი მონაწილე და თანაავტორი.