ლიტერატურის მუზეუმში პოლონელი მწერლის წიგნების პრეზენტაცია გაიმართება
ლიტერატურის მუზეუმში პოლონელი მწერლისა და პუბლიცისტის რიშარდ კაპუშინსკის წიგნების ქართული თაგმანის პრეზენტაცია დღეს გაიმართება.
"შაჰინშაჰი" და "იმპერია" ამბროს გრიშიკაშვილმა თარგმნა. "შაჰინშაჰი" ირანის რევოლუციას, "იმპერია" კი საბჭოთა კავშირის თემას ეხება.
როგორც "ინტერპრესნიუსს" პოლონეთის საელჩოდან აცნობეს, გამოცემები პოლონეთის წიგნის ინსტიტუტის ფინანსური მხარდაჭერით ითარგმნა. მომავალ წელს კი ქართულ ენაზე კაპუშინსკის სხვა წიგნების პრეზენტაციაა დაგეგმილი, რომელიც ცენტრალური აზიისა და აფრიკის ქვეყნებს ეხება
რიშარდ კაპუშინსკი პოლონური ჟურნალისტიკის მამად ითვლება და 50 წლის განმავლობაში რეპორტაჟებს მსოფლიოს სხვადასხვა წერტილიდან წერდა. წიგნებში სხვადასხვა ქვეყანაში მომხდარი 30 რევოლუცია აღწერა.
კაპუშინსკი რამდენჯერმე ნობელის ლიტერატურის პრემიაზე იყო წარდგენილი.
v-if="article.gallery" v-html="article.gallery"
