საქართველო-აზერბაიჯანის საზღვარზე ორი ქვეყნის ერთობლივი საკონტროლო-გამშვები პუნქტი გაიხსნება. საინფორმაციო სააგენტო "ტრენდის" ინფორმაციით, ამის შესახებ, "სამხეთ კავკასიაში ინტეგრირებული სასაზღვრო კონტროლის კომპლექსური სისტემების მხარდაჭერის" პროექტის მენეჯერმა მაზახირ ეფენდიევმა განაცხადა.
აღნიშნული პროექტის დაფინანსება სექტემბერში დაიწყო და მას ევროკავშირი, გაეროს განვითარების პროექტი და აზერბაიჯანის მთავრობა აფინანსებენ.
პროექტის მიზანია, საზღვრის რეგულირებისთვის სახელმწიფო სტრუქტურების მჭიდრო თანამშრომლობა, ორმხრივი რეგიონალური თანამშრომლობის გაღრმავება, რეგიონალური თანამშრომლობა მეზობელ რესპუბლიკებთან (სომხეთის გამოკლებით), ევროკავშირთან და საერთაშორისო ორგანიზაციებთან და სხვა.
პროექტის ღირებულება 6,3 მლნ ევროს შეადგენს და მისი რეალიზება 2012 წლამდე იგეგმება.
