ქართველი ბატუტზე მხტომელები მსოფლიო ჩემპიონატზე გაემგზავრნენ
საქართველოს ბატუტზე მხტომელთა ეროვნული და ახალგაზრდული ნაკრებები საფრანგეთის ქალაქ მეცში მსოფლიო ჩემპიონატზე გაემგზავრნენ .
სპორტისა და ახალგაზრდობის საქმეთა სამინისტროს პრესსამსახურის ინფორმაციით, ძირითადი ნაკრების წევრები, ლიუბა გოლოვინა და თენგიზ კოშკაძე ჩემპიონატში 11-13 ნოემბერს ჩაერთვებიან.
16-19 ნოემბერს კი ახალგაზრდები მოსინჯავენ ძალებს. ახალგაზრდებში საქართველოს სახელს თამარ კაკაშვილი, ნანა გოგაშვილი, თეონა ჯანჯღავა და ანა ოდიშვილი დაიცავენ.
მსოფლიო ჩემპიონატზე მსაჯად ქართველი მსოფლიო ჩემპიონი, ტანვარჯიშის სახეობათა ფედერაციის ვიცე-პრეზიდენტი რუსუდან ხოფერიაა მიწვეული.
