იაპონიის ელჩმა ქუთაისში ხეები დარგო
დღეს ქუთაისში იაპონიის ელჩმა საქართველოში მასაიშო კომაჰარამ ხეები დარგო.
იაპონელი დიპლომატის განცხადებით, ქუთაისში ხეების დარგვის სურვილი მან თავად გამოთქვა, ვინაიდან სწორედ ეს ქალაქი იყო ერთ-ერთი პირველი, ვინც იაპონიის საელჩოს მიწისძვრასთან დაკავშირებით მიუსამძიმრა.
ელჩმა ფიჭვის ხეები იმერეთის გუბერნატორ ლაშა მაქაცარიასთან და ქუთაისის მერ გიორგი თევდორაძესთან ერთად დარგო. ფიჭვები ქალაქის ერთ-ერთ სკვერში, იაპონელი ხალხის სიმტკიცის და მომავალი აღმშენებლობის სიმბოლოდ დაირგო.
