შოთა რუსთაველის თეატრის სეზონი 23 სექტემბერს გაიხსნება
შოთა რუსთაველის სახელობის აკადემიური თეატრის 133-ე სეზონი 23 სექტემბერს გაიხსნება .
სეზონის გახსნამდე თეატრის დასი დღეს შეიკრიბა და სამომავლო გეგმებზე ისაუბრა.
როგორც "ინტერპრესნიუსს" თეატრის მმართველმა, ზაალ ჩიქობავამ განუცხადა, წლევანდელი თეატრალური სეზონი სპექტაკლ ~ნადირობის სეზონით~ გაიხსნება.
ჩიქობავას თქმით, მიმდინარე წელს თეატრი მაყურებელის წინაშე არაერთი პრემიერითა და პროექტით წარსდგება.
შოთა რუსთაველის თეატრი თბილისის საერთაშორისო თეატრალური ფესტივალისთვისაც ემზადება, რომელიც 14 სექტემბერს გაიხსნება.
ფესტივალზე დასი გასულ წელს დადგმულ სპექტაკლებს წარადგენს.
