Acıbadem Healthcare Group საერთაშორისო სამედიცინო საზოგადოებაში ცნობილია მოწინავე სამკურნალო ტექნოლოგიებითა და სამეცნიერო მიღწევებით. Acıbadem-ის სამი ექიმი „მსოფლიოს ყველაზე გავლენიანი მეცნიერების“ სიაში მოხვდა, რომელიც Elsevier-მა და სტენფორდის უნივერსიტეტმა შეადგინეს: პროფესორი ჯავად ფარვიზი, პროფესორი გურალფ ონურ ჯეიჰანი და პროფესორი მ. მერტ ერკანი.

რეიტინგი განისაზღვრება ობიექტური კრიტერიუმებით, როგორიცაა მაღალი ხარისხის პუბლიკაციების რაოდენობა, ჟურნალების იმპაქტ-ფაქტორი, ციტირებების რაოდენობა, h-ინდექსი, პაციენტების გამოჯანმრთელებაში შეტანილი წვლილი და კვლევის ხარისხი. იმის გათვალისწინებით, რომ შეფასებაში მონაწილეობდა მსოფლიოს ასიათასობით მეცნიერი, ტოპ 2%-ში მოხვედრა საერთაშორისო მასშტაბით, განსაკუთრებულად პრესტიჟულია. ეს მიღწევა ნათლად ასახავს Acıbadem-ის სამეცნიერო ხედვას.

პროფ. ჯავად ფარვიზი: თანამედროვე ორთოპედიის გლობალური პიონერი

ექიმი ფარვიზი Acıbadem Maslak Hospital-ისა და Acıbadem University-ის აკადემიური პერსონალის წევრია. ის მოხვდა მსოფლიოს ყველაზე გავლენიანი მეცნიერების სიაში „Annual Impact 2024“-ისა და „Career-Long Impact“-ის კატეგორიებში.

მისი კვლევები: სახსრების ინფექციების, მენჯ-ბარძაყისა და მუხლის სახსრების მინიმალურად ინვაზიური ქირურგიის, პროთეზული ქირურგიისა და ახალგაზრდებში მენჯ-ბარძაყის დაავადებების შესახებ - მოხსენიებულია მსოფლიო ორთოპედიულ ლიტერატურაში. მის მიერ გამოქვეყნებული 1000-ზე მეტი სამეცნიერო სტატია, მსოფლიო მასშტაბით ჩატარებული კონფერენციები და შემუშავებული კლინიკური პროტოკოლები აძლიერებს მის პროფესიულ ავტორიტეტს. მისი საქმიანობა Acıbadem-ში მნიშვნელოვნად ზრდის კლინიკურ სტანდარტებს როგორც თურქეთში, ისე მის ფარგლებს გარეთ.

პროფესორი გურალფ ონურ ჯეიჰანი: ევროპის ლიდერი პანკრეასისა და ჰეპატობილიარული ქირურგიის სფეროში

ექიმი ჯეიჰანი არის Acıbadem Maslak Hospital-ის ერთ-ერთი ყველაზე გამოცდილი ქირურგი და 2024 წლის რეიტინგში მოხვდა „Annual Impact“-ის კატეგორიაში.

მან კარიერა დაიწყო ჰაიდელბერგის უნივერსიტეტის პანკრეასის ცენტრში, შემდეგ კი მიუნხენის ტექნიკურ უნივერსიტეტში პანკრეასის, ღვიძლისა და სანაღვლე გზების ოპერაციებს ხელმძღვანელობდა, სადაც ევროპაში მნიშვნელოვან აკადემიურ თანამდებობებს იკავებდა. 2019 წელს თურქეთში დაბრუნების შემდეგ, მან Acıbadem University-ში დააარსა პანკრეასის კიბოს კვლევის ცენტრი და საფუძველი ჩაუყარა ტრანსლაციურ კვლევებს. მისი დანიშვნა ევროპის პანკრეასის ასოციაციის პრეზიდენტად (2025–2027 წლებში) კიდევ ერთხელ უსვამს ხაზს მის საერთაშორისო ავტორიტეტს.

პროფესორი მ. მერტ ერკანი: პანკრეასის კიბოს კვლევის მსოფლიო დონის ექსპერტი

ექიმი ერკანი, რომელიც მუშაობს Acıbadem University Ataşehir Hospital-ში, ასევე მოხვდა მსოფლიოს ყველაზე გავლენიანი მეცნიერების სიაში როგორც Annual Impact-ის, ისე Career-Long Impact-ის კატეგორიებში.

ჰაიდელბერგის უნივერსიტეტის ევროპის პანკრეასის ცენტრში მიღებული მოლეკულური ბიოლოგიის ცოდნიდან დაწყებული, მიუნხენის ტექნიკურ უნივერსიტეტში ქირურგიული განყოფილების ლიდერის პოზიციით გაგრძელებული, იგი ჩართული იყო პანკრეასის კიბოს ბიოლოგიის, სიმსივნის მიკროგარემოსა და სტრომის კვლევებში. ის არის European-African Hepato-Pancreato-Biliary Association-ის სამეცნიერო საბჭოს წევრი, რაც კიდევ უფრო აძლიერებს მის როლს საერთაშორისო სამეცნიერო საზოგადოებაში. მისი მიმდინარე საქმიანობა Acıbadem-ში ქმნის ინოვაციური მკურნალობის ახალი მიდგომების საფუძველს.

Acıbadem-ის სამეცნიერო ხედვა და საერთაშორისო გავლენა

ის ფაქტი, რომ ერთსა და იმავე წელს სამი ექიმი მოხვდა მსოფლიოს ყველაზე გავლენიანი მეცნიერების სიაში, მკაფიოდ ასახავს ორგანიზაციის ერთგულებას მეცნიერების მიმართ.

Acıbadem ქმნის სამეცნიერო ეკოსისტემას, რომელიც აერთიანებს კლინიკურ პრაქტიკასა და აკადემიურ კვლევას, რაც მას ერთ-ერთ ყველაზე სანდო კლინიკათა ქსელად აქცევს როგორც თურქეთში, ისე მის საზღვრებს გარეთ. სტენფორდისა და Elsevier-ის სია ერთ-ერთი ყველაზე მნიშვნელოვანი მაჩვენებელია Acıbadem-ის სამეცნიერო პოტენციალისა და საერთაშორისო გავლენის შეფასებისთვის.

პროფესორ ჯავად ფარვიზის, პროფესორ გურალფ ონურ ჯეიჰანისა და პროფესორ მ. მერტ ერკანის მიღწევები შთააგონებს ახალგაზრდა ექიმებს და ამავდროულად აძლიერებს Acıbadem-ის პოზიციას გლობალურ სამედიცინო სფეროში.

Acıbadem-ის სამეცნიერო წარმატების გლობალური გამოძახილი

Acıbadem Healthcare Group საერთაშორისო ჯანდაცვის სფეროში ერთ-ერთი წამყვანი ორგანიზაციაა, რომელიც გამოირჩევა როგორც მაღალი ხარისხის სამედიცინო მომსახურებით, ისე ძლიერი სამეცნიერო ხედვით. Acıbadem-ის კლინიკათა ქსელის მიზანი გლობალური მედიცინის განვითარებაში აქტიური მონაწილეობაა.

ამ სამი გამორჩეული ექიმის მსოფლიოს ყველაზე გავლენიანი მეცნიერების სიაში მოხვედრა ნათლად ადასტურებს Acıbadem-ის მაღალ სამეცნიერო დონეს, აკადემიურ ძალასა და საერთაშორისო მნიშვნელობას.

Acıbadem თავის პროფესიონალ ექიმებთან ერთად აგრძელებს განვითარებას და ქმნის მნიშვნელოვან სამეცნიერო მემკვიდრეობას, რომელიც რეალურად ახდენს გავლენას მედიცინის მომავალზე.

საქართველო, თბილისი

მისამართი: ჭავჭავაძის გამზ 58

ტელ: +995 322 158 500

საქართველო, ქუთაისი

მისამართი: თამარ მეფის ქ. 60

ტელ: +995 431 258 500

საქართველო, ბათუმი

მისამართი: ზურაბ გორგილაძის 2

ტელ: +995 433 22 30 00

(R)