საქართველოდან აზერბაიჯანში მიმავალმა სატვირთო მატარებელმა სანჩაგალის რაიონში ავარია განიცადა. ავარიის შედეგად დაღუპულები და დაშავებულები არ არიან .

აზერბაიჯანული მედიის ცნობით, ინფორმაციას ამის შესახებ "აზერბაიჯანის რკინიგზა" ავრცელებს. მატარებელი რელსებიდან გადავიდა.

აზერბაიჯანის რკინიგზის პრესსამსახურის ნადირ აზმამედოვის განცხადებით, შემთხვევის გამო სამგზავრო და სატვირთო შემადგენლობების გადაადგილება დროებით შეფერხებულია.

მოძრაობა ბაქოს მიმართულებით უახლოეს მომავალში აღდგება. მომხდარის მიზეზები დგინდება.