პროკურატურამ ნოდარ ჩაჩუას საკითხზე გამოძიება დაიწყო

პროკურატურამ ტელეკომპანია "მეცხრე არხის" ჟურნალისტ ნოდარ ჩაჩუას საკითხზე გამოძიება დაიწყო, - ამის შესახებ პროკურატურის განცხადებაშია აღნიშნული.

"2012 წლის 30 ივლისს ქ. თბილისის პროკურატურის საგამოძიებო ნაწილში დაიწყო გამოძიება ნოდარ ჩაჩუას მიმართ შესაძლო მუქარის ფაქტზე. გამოძიების დაწყებას საფუძვლად დაედო თავად ნოდარ ჩაჩუას განცხადება. გამოძიება მიმდინარეობს საქართველოს სისხლის სამართლის კოდექსის 151-ე მუხლით გათვალისწინებული დანაშაულის ნიშნებით", - ნათქვამია პროკურატურის განცხადებაში.

"მე-9 არხის" ჟურნალისტმა ნოდარ ჩაჩუამ, მის მიმართ განხორციელებული შანტაჟის გამო, გამოძიების მოთხოვნის დაწყებით პროკურატურას თავად მიმართა. როგორც ნოდარ ჩაჩუამ განცხადების შეტანის შემდეგ ჟურნალისტებს განუცხადა, მზად არის, ითანამშრომლოს გამოძიებასთან და გაასაჯაროოს გამოძიების პროცესი.

"მე-9 არხის" იურისტ სერგი ჯორბენაძის შეფასებით, ნოდარ ჩაჩუას მიმართ განხორციელდა სისხლის სამართლებრივი დანაშაული, რომელიც დანაშაულთა ერთობლიობას წარმოადგენს. "მოხდა ნოდარ ჩაჩუას იძულება, განხორციელდა მასზე მუქარა, ასევე ხელი შეეშალა მას ჟურნალისტურ საქმიანობაში; მის მიმართ განხორციელებული ქმედებებით მოხდა ჟურნალისტის პირადი საიდუმლოების ხელყოფა. ამასთან, პირებმა, რომლებმაც ნოდარ ჩაჩუაზე შანტაჟი განახორციელეს, გადააჭარბეს საკუთარ სამსახურებრივ უფლებამოსილებას. აქედან გამომდინარე ჟურნალისტის მიმართ განხორციელებული ქმედებები სისხლის სამართლის დანაშაულია, რომელიც მოიცავს დანაშაულთა ერთობლიობას", - განაცხადა "მე-9 არხის" იურისტმა სერგი ჯორბენაძემ, რომელიც გამოძიების პროცესში ნოდარ ჩაჩუას ადვოკატი იქნება.

"მე-9 არხის" ჟურნალისტი ნოდარ ჩაჩუა სამმა პირმა გაურკვეველი მიმართულებით ავტომობილით წაიყვანა. როგორც ჩაჩუა ამობობს, მის მიმართ განხორციელდა შანტაჟი და მუქარა. ნოდარ ჩაჩუასგან ”მე-9 არხიდან” ინფორმაციის გატანას ითხოვდნენ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს