სოფელ ყარაჯალაში 15 წლის გოგონამ თავი მოიკლა

თელავის რაიონის სოფელ ყარაჯალაში 15 წლის გოგონამ საკუთარ სახლში სანადირო თოფით თავი მოიკლა. ამის შესახებ კახეთის საინფორმაციო ცენტრი იუწყება. თვითმკვლელობის მიზეზი ჯერ უცნობია.

"შემთხვევის დროს სახლში გოგონა და მისი უმცროსი ძმა იმყოფებოდნენ. ოთახში შესულ ძმას გოგონა იატაკზე უგონო მდგომარეობაში დახვდა", – განუცხადა კახეთის საინფორმაციო ცენტრს სოფელ ყარაჯალას ტერიტორიული ორგანოს რწმუნებულმა ამირან სულეიმანოვმა.

ექიმების განცხადებით, პაციენტი საავადმყოფოში საკმაოდ მძიმე მდგომარეობაში მიიყვანეს. მას მუცლის არეში მიბჯენით ნასროლი შემავალი ჭრილობა ჰქონდა მიყენებული, რომელიც წელის არეში იყო გამავალი.

ექიმების განცხადებით, პაციენტს არტერიული წნევა არ ესინჯებოდა, რეანიმაციაში გადაიყვანეს, თუმცა გადარჩენა ვერ მოხერხდა.

მომხდარზე აღძრულია სისხლის სამართლის საქმე. გამოძიებას თელავის პოლიცია აწარმოებს.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა