"ახალი მემარჯვენეების" ხულოს მაჟორიტარობის კანდიდატი დავით თავართქილაძე და ხულოს ორგანიზაციის აქტივი სოფელ ირემაძეებში 2008 წლის აგვისტოს ომის დროს დაღუპული მერაბ ჭელიძის საფლავზე გავიდნენ და მის ხსოვნას პატივი მიაგეს.
როგორც "ინტერპრესნიუსს" პარტიის პრესსამსახურიდან აცნობეს, დავით თავართქილაძემ ადგილობრივ ხელისუფლებას ინიციატივით მიმართა, რომ სკოლას, რომელშიც ეროვნული გმირი მერაბ ჭელიძე სწავლობდა, მისი სახელი მიენიჭოს.
"ჩვენ განსაკუთრებით ვუფრთხილდებით იმ ახალგაზრდების ხსოვნას, ვინც ხულოს რაიონიდან მიიღო მონაწილეობა ტერიტორიული მთლიანობისთვის ბრძოლაში და თავი შესწირა ქვეყნის დამოუკიდებლობას. მერაბ ჭელიძე მათ შორის არის. სწორედ მისი ხსოვნის პატივსაცემად, ადგილობრივ ხელისუფლებას მივმართავთ, სკოლას, რომელშიც მერაბი სწვლობდა, მისი სახელი მიენიჭოს", - აღნიშნა დავით თავართქილაძემ.
v-if="article.gallery" v-html="article.gallery"