"ქართული ოცნების" მთაწმინდის მაჟორიტარული დეპუტატობის კანდიდატი, ზაზა პაპუაშვილი კოალიციის ოფისში მსახიობებს შეხვდა .

შეხვედრას სხვა მსახიობებთან ერთად რობერტ სტურუა, თათული დოლიძე, ჟანრი ლოლაშვილი, ნინელი ჭანკვეტაძე ესწრებოდნენ.

შეხვედრაზე მსახიობები ზაზა პაპუაშვილის მხარდამჭერთა დარბაზის შექმნის ინიციატივით გამოვიდნენ.

"ძალიან სამწუხაროა, რომ ხელისუფლება უდიერად მოიხსენიებს ადამიანებს, რომლებსაც ქვეყნისთვის ძალიან ბევრი რამ აქვთ გაკეთებული. თითოეულ მათგანს თითო-თითო შედევრი მაინც აქვს შექმნილი. ამ ადამიანების ჩარეცხილებად და მუმიებად მოხსენიება წარმოუდგენელია. მე მინდა ვაგრძნობინო საზოგადოებას, რომ ამ ხალხის გარეშე ჩვენ სიკეთეს ვერ მოვუტანთ ქვეყანას", _ განაცხადა ზაზა პაპუაშვილმა.