შსს საქართველო-რუსეთის საზღვართან დევნის ოპერაციის შესახებ იუწყება

საქართველოს შინაგან საქმეთა სამინისტრო საქართველო-რუსეთის საზღვართან დევნის ოპერაციის შესახებ იუწყება. "საქართველო-რუსეთის საზღვართან, დაღესტნის მონაკვეთთან, საქართველოს ტერიტორიაზე, აღმოჩენილია შეიარაღებული ჯგუფი . შინაგან საქმეთა სამინისტროს მიერ ხორციელდება აღნიშნული ჯგუფის დევნის ოპერაცია", - ნათქვამია შსს-ს ოფიციალურ ვებ-გვერდზე გამოქვეყნებულ ინფორმაციაში.

კახეთის საინფორმაციო ცენტრი კი ავრცელებს ინფორმაციას, რომ ამ წუთებში თელავის რაიონის სოფელ ლაფანყურში, რომლის მიმდებარე ტერიტორიაზეც შსს-ს ინფორმაციით, შეიარაღებული ჯგუფის დევნის ოპერაცია ხორციელდება, კახეთის სასწრაფო სამედიცინო დახმარების ბრიგადები შევიდნენ. ექიმებს კომენტარი არ გაუკეთებიათ. დაჭრილების ან გარდაცვლილების შესახებ ინფორმაცია არ ვრცელდება.

მათივე ცნობით, პოლიციას ლაფანყურში შესასვლელი გზა გადაკეტილი აქვს. "სოფლის თავზე ვერტმფრენები დაფრინავენ. სოფელში ჟურნალისტების გარდა არც ადგილობრივ მცხოვრებლებს უშვებენ. ადგილობრივების თქმით, სოფელში დღეს, საღამოს 30-ზე მეტი მანქანით პოლიციელები და სამხედროები შევიდნენ. მოსახლეობაში პანიკაა. ლაფანყურის მცხოვრებლების ნაწილი სოფელს შემოვლითი გზებით ტოვებს. რამდენიმე წუთის წინ სოფელში შს მინისტრი ბაჩო ახალაია შევიდა. მას კომენტარი არ გაუკეთებია", - აცხადებს კახეთის საინფორმაციო ცენტრი.

როგორც ცნობილია, დღეს დილიდან გავრცელდა ინფორმაცია, რომ სოფელ ლაფანყურიდან ხუთი ახალგაზრდა დაიკარგა.  გამოითქვა ვარაუდი, რომ ისინი ლეკებმა გაიტაცეს, რადგან სოფელი დაღესტანს ესაზღვრება. მოგვიანებით, 14.00 საათისთვის კი, თელავის გამგებელმა განაცხადა, რომ დაკარგულები იპოვეს და სახლში დააბრუნეს.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს