ბათუმში დღეს "ლიბერთი ბანკის" ახალი სერვის ცენტრი გაიხსნა
ბათუმში დღეს "ლიბერთი ბანკის" ახალი სერვის ცენტრი გაიხსნა. როგორც "ინტერპრესნიუსს" "ლიბერთი ბანკიდან" აცნობეს, ბანკი ფილიალებისა და სერვის ცენტრების ქსელის მოდერნიზებასა და გაფართოებას განაგრძობს. ბათუმში, ჯავახიშვილის ქ. #80-ში ახალი, თანამედროვე სტანდარტების შესაბამისი სერვის ცენტრი ბანკის გენერალური დირექტორის მოადგილე გიორგი არველაძემ გახსნა. სერვის ცენტრი სრულ საბანკო მომსახურებას გაუწევს როგორც ფიზიკურ, ასევე იურიდიულ პირებს.
"შესაძლებელი იქნება ყველა სახის სესხის აღება, საერთაშორისო და ადგილობრივი ფულადი გზავნილების სისტემებით სარგებლობა, სხვადასხვა ტიპის დეპოზიტების გახსნა, კომუნალური გადასახადების დაფარვა", _ აცხადებენ "ლიბერთი ბანკში".
2012-2013 წლებში "ლიბერთი ბანკმა" მთელი საქართველოს მასშტაბით 30-ზე მეტი ახალი ფილიალისა და სერვის ცენტრის გახსნა და მოდერნიზება მოახდინა.
"ლიბერთი ბანკი" საქართველოში ყველაზე ვრცელი საბანკო ქსელით არის წარმოდგენილი, რომელიც 1.4 მლნ. ფიზიკურ და 58 000-ზე მეტ იურიდიულ პირს ემსახურება.
2013 წლის მაისის მდგომარეობით, "ლიბერთი ბანკის" საბაზრო წილი მთლიანი აქტივების მიხედვით 7.2%-ს შეადგენს.
v-if="article.gallery" v-html="article.gallery"
