გოგა ძველაიას ოჯახს ციხის სათვალთვალო კამერით გადაღებულ ვიდეომასალას, სავარაუდოდ, დღეს უჩვენებენ
16 წლის გარდაცვლილი პატიმრის, გოგა ძველაიას ოჯახს ციხის სათვალთვალო კამერით გადაღებულ ვიდეომასალას, სავარაუდოდ, დღეს უჩვენებენ, - ამის შესახებ "ინტერპრესნიუსს" გოგა ძველაიას ადვოკატმა ლედი ტუკვაძემ განუცხადა. მისი თქმით, ვიდეოს ნახვის შემდეგ დაინიშნება ექსპერტიზა იმის დასადგენად, არის თუ არა კადრები უწყვეტ რეჟიმში გადაღებული.
"თუ ფირი გაიხსნა, ძალიან ბევრი რამ გახდება ცნობილი. თავიდან გვპირდებოდნენ, რომ ციხის დერეფანში გადაღებულ ვიდეომასალას მოგვცემდნენ, შემდეგ კი დაგვპირდნენ, გვაჩვენონ მასალა, გოგა ძველაიას ციხეში შესვლიდან ბოლო წუთამდე", - განაცხადა ლედი ტუკვაძემ.
სასჯელაღსრულების მინისტრი, სოზარ სუბარი ქუთაისის ციხეში გარდაცვლილი არასრულწლოვანი პატიმრის, გოგა ძველაიას მამას კვირას დაჰპირდა, რომ იჯახს იმ ვიდეოჩანაწერის ნახვის უფლება ექნება, რომელიც გადაღებულია ქუთაისის ციხეში საპყრობილის დერეფანში.
v-if="article.gallery" v-html="article.gallery"
