ჟურნალისტებმა პირველადი სამედიცინო დახმარების პრაქტიკული ტრენინგი გაიარეს
ჟურნალისტებმა პირველადი სამედიცინო დახმარების პრაქტიკული ტრენინგი გაიარეს. აღნიშნული ტრენინგის ორგანიზატორები არიან საქართველოს საპატრიარქოს წმინდა იოაკიმესა და ანას სახელობის სამედიცინო ცენტრი და გადაუდებელი დახმარების ექიმების კოლეჯი.
ჟურნალისტების გარდა, პირველადი სამედიცინო დახმარების ტრენინგის გავლის სურვილი სახელმწიფო უწყებისა და კერძო სექტორის წარმომადგენლებმაც გამოთქვეს. შესაბამისად, საპატრიარქოს კლინიკა მსგავს პრაქტიკულ სამედიცინო მეცადინეობებს სამომავლოდაც ჩაატარებს.
საპატრიარქოს კლინიკის გენერალური დირექტორის, ვახტანგ სურგულაძის განცხადებით, ჟურნალისტებს საგანგებო სიტუაციებში ხშირად უწევთ რეპორტაჟების მომზადება, შესაბამისად, მათ პირველადი სამედიცინო დახმარების უნარ-ჩვევები საქმიანობაში დაეხმარებათ.
"ჩვენი კლინიკა ვითარდება და უკვე მიეცა იმის საშუალება, რომ მსგავსი აქციები განახორციელოს. როდესაც პირველადი სამედიცინო დახამრების ტრენინგი დაიგეგმა, მედიის წარმომადგენლების მხრიდან დიდი ინტერესი გამოიწვია. მართალია, ტრენინგი ერთდღიანია, მაგრამ ჟურნალისტები მაქსიმალურ ცოდნას მიიღებენ აუცილებელი პირველადი სამედიცინო უნარების შესახებ. აუცილებელიცაა ჟურნალისტმა იცოდეს როგორ მოიქცეს საგანგებო სიტუაციების, ავტოავარიების, ქუჩის შემთხვევბისა და სხვადასხვა ტრავმის დროს", - განაცხადა ვახტანგ სურგულაძემ.
ჟურნალისტებს კოლეჯის სერტიფიკატები გადაეცათ.
v-if="article.gallery" v-html="article.gallery"
