თბილისის დასუფთავების სამსახური მუშაობის საგანგებო რეჟიმზეა გადასული. როგორც "ინტერპრესნიუსს" დედაქალაქის მერიის პრესსამსახურში განუცხადეს , თოვლის მოსვლასთან დაკავშირებით, დასუფთავების სამსახურში ტექნიკა და მუშახელია მობილიზებული.

"სამსახურში სისტემატურად ეცნობიან ამინდის პროგნოზს და უკვე რამდენიმე დღეა, თანამშრომლები მორიგეობენ. გვაქს 3 ათასი ტონა მარილი, ზუსტად ამდენივეს ველოდებით რამდენიმე დღეში", - აცხადებენ პრესსამსახურში.

მათივე ინფორმაციით, თოვლის მოსვლის გამო თბილისელებს არანაირი პრობლემა არ შეექმნებათ.

თბილისში თოვას ამაღამ ელოდებიან. სინოპტიკოსების პროგნოზით, თოვა ხვალაც გაგრძელდება.