უკრაინელი მოდელი, ანნა დურიცკაია, რომელიც რუსი ოპოზიციონერის, ბორის ნემცოვის მკვლელობის მთავარი თვითმხილველია, კიევში დაბრუნდა. ამის შესახებ "ბიბისი" იტყობინება. ამ დრომდე ის რუსეთიდან სამშობლოში დაბრუნებას ვერ ახერხებდა, ვინაიდან სამი დღის განმავლობაში 23 წლის უკრაინელი გოგონა რუსი გამომძიებლების კითხვებს პასუხობდა.

დურიცკაიას თქმით, მას ბორის ნემცოვის ეჭვიანობის ნიადაგზე მკვლელობის ვერსიის არ სჯერა.

რუსი ოპოზიციონერი 27 თებერვალს საღამოს კრემლის სიახლოვეს ხიდზე მოკლეს. მას 4 ტყვია ზურგის არეში მოხვდა, რის შედეგადაც იგი ადგილზევე გარდაიცვალა.

ბორის ნემცოვის დაკრძალვის ცერემონიალი დღეს გაიმართება.