ირაკლი ალასანია პროკურატურის მიერ სააპელაციო საჩივარზე საიდუმლო გრიფის მოხსნას საზოგადოებრივ ზეწოლას უკავშირებს

"თავისუფალი დემოკრატების" ლიდერი ირაკლი ალასანია ე.წ. კაბელების საქმეზე პროკურატურის მიერ საკუთარ სააპელაციო საჩივარზე საიდუმლო გრიფის მოხსნას საზოგადოებრივ ზეწოლას უკავშირებს.

ალასანიამ მადლობა გადაუხადა, როგორც არასამათავრობო ორგანიზაციებს, ასევე მედიის წარმომადგენლებს, რომ ეს თემა ყურადღების ცენტრში მოექცა.

"სწორედ ამან განაპირობა პროკურატურის უკან დახევა. ეს არის გამარჯვება ამ ეტაპზე - მათ შეეზღუდათ მანიპულირების საშუალება, რომ შეენიღბათ და დაემალათ საკუთარი საჩივარი, აქედან გამომდინარე ის პასუხიც, რომელიც სააპელაციო სასამართლოს უნდა მიეღო. უკვე ასე ღიად თეთრზე შავიაო, ვეღარ იტყვიან. ამიტომ ეს ნაბიჯი მისასალმებელია და ეს იყო მოპოვებული იმ ბრძოლით და სიფხიზლით, რომელიც საზოგადოებამ გამოიჩინა", - განაცხადა ირაკლი ალასანიამ.

მისივე თქმით, უნდა დაველოდოთ სააპელაციო სასამართლოს გადაწყვეტილებას, რომელიც უნდა იყოს თავისუფალი ბიძინა ივანიშვილისა და მისი გუნდის გავლენისგან.

როგორც ცნობილია, თბილისის საქალაქო სასამართლომ ე.წ. კაბელების საქმეზე დააკმაყოფილა დაცვის შუამდგომლობა და მტკიცებულებად არ ცნო  სასაქონლო და საინჟინრო-ტექნიკური ექსპერტიზა, რაც პროკურატურამ სააპელაციო სასამართლოში გაასაჩივრა. საჩივარს გრიფი  საიდუმლო ედო,  თუმცა პროკურატურამ დღეს გრიფის მოხსნის შესახებ განაცხადა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო