გლდანში მომხდარი აფეთქების შედეგად დაშავებულების მდგომარეობა კვლავ მძიმეა

გლდანში, საცხოვრებელი კორპუსის აფეთქების შედეგად დაშავებული ორი გოგონას მდგომარეობა კვლავ მძიმეა. ერთი მათგანი სტაბილურად მძიმე მდგომარეობაში ერისთავის სახელობის ქირურგიის ეროვნული ცენტრის რეანიმაციულ დეპარტამენტში რჩება, მეორე კი, უმძიმესი მდგომარეობით დამწვრობის ცენტრშია მოთავსებული.

როგორც "ინტერპრესნიუსს" ქირურგიის ეროვნულ ცენტრში განუცხადეს, დაშავებულ 25 წლის ქალს გუშინ ორი ურთულესი – ნეიროქირურგიული და ტრავმატოლოგიური ოპერაცია ჩაუტარდა. მისი მდგომარეობა სტაბილურად მძიმეა და რეანიმაციულ დეპარტამენტში მართვით სუნთქვაზე იმყოფება.

რაც შეეხება მეორე დაშავებულს, დამწვრობის ცენტრის ხელმძღვანელის, გუგა ქაშიბაძის ინფორმაციით, პაციენტის მდგომარეობა უმძიმესია. მას მთელი სხეული და სასუნთქი გზები აქვს დამწვარი, აღენიშნება ბაროტრავმა. დაშავებული რეანიმაციულ განყოფილებაში მკურნალობს.

გლდანის მე-6 მიკრორაიონის #2 კორპუსში აფეთქება გუშინ მოხდა. აფეთქების შედეგად, 5 ადამიანი გარდაიცვალა. 45 ოჯახი უსახლკაროდ დარჩა.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის