დავით სერგეენკომ გლდანში აფეთქების შედეგად დაშავებულების შესახებ კომენტარი გააკეთა

საქართველოს შრომის, ჯანმრთელობისა და სოციალური დაცვის მინისტრმა დავით სერგეენკომ გლდანში საცხოვრებელი კორპუსის აფეთქების შედეგად დაშავებულების ჯანმრთელობის მდგომარეობის შესახებ კომენტარი გააკეთა.

როგორც დავით სერგეენკომ ჟურნალისტებს განუცხადა, ერთ-ერთი პაციენტის ზოგადი მდგომარეობა კრიტიკულია, მეორე პაციენტის მდგომარეობა კი მძიმეა.

"ქირურგიის ინსტიტუტში მყოფ პაციენტს ჩაუტარდა გადაუდებელი ქირურგიული ოპერაცია. მისი ზოგადი მდგომარეობა კრიტიკული რჩება, მაგრამ დაზიანებით გამოწვეული რისკები მნიშვნელოვნად დაბალია და მე მჯერა, რომ ექიმები ყველაფერს გააკეთებენ მის გადასარჩენად. რაც შეეხება მეორე პაციენტს, რომელსაც დიდი ფართობის დამწვრობა აქვს, ის გუშინვე გადაიყვანეს სპეციალიზირებულ კლინიკაში. მისი მდგომარეობა რჩება მძიმედ და ამ ეტაპზე რაიმე პროგნოზის გაკეთება რთული და არასწორი იქნება", - განაცხადა დავით სერგეენკომ.

გლდანში, საცხოვრებელ კორპუსში აფეთქება გუშინ მოხდა, შემთხვევის შედეგად გარდაიცვალა 5 ადამიანი, 45 ოჯახი უსახლკაროდ დარჩა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024