აკაკი წერეთლის დაბადებიდან 175-ე წლისთავს, ნოდარ დუმბაძის სახელობის მოზარდმაყურებელთა სახელმწიფო თეატრი 27 სექტემბერს " ბაში -აჩუკის" პრემიერას უძღვნის.

როგორც "ინტერპრესნიუსს" თბილისის მერიის კულტურული ღონისძიებათა ცენტრიდან აცნობეს, აკაკი წერეთლის ამავე სახელწოდების ნაწარმოების მიხედვით სათავგადასავლო-ისტორიული ჟანრის სპექტაკლს რეჟისორი დიმიტრი ხვთისიაშვილი დგამს. ინსცენირების ავტორები არიან: მანანა გეგეჭკორი და დიმიტრი ხვთისიაშვილი. სპეციალურად "ბაში-აჩუკისთვის" ორიგინალური მუსიკა დაწერა კომპოზიტორმა დავით მალაზონიამ.

მათივე ინფორმაციით, 3D ტექნოლოგია და კოსტიუმები დავით მაჭავარიანს და "კაკადუ სტუდიას"ეკუთვნის, ქორეოგრაფიაზე იმუშავეს - ილიკო სუხიშვილმა და "სუხიშვილების სტუდიამ".

სპექტაკლი საქართველოს კულტურისა და ძეგლთა დაცვის სამინისტროს და თბილისის მერიის კულტურული ღონისძიებების ცენტრის მხარდაჭერით განხორციელდა.