საქარფელოს ფეხბურთის ფედერაციის პრეზიდენტობის კანდიდატის ლევან კობიაშვილის განცხადებით, დღეს გადაწყდება ქართული ფეხბურთის ხვალინდელი დღე.

მისი თქმით, ქართული ფეხბურთისთვის დღევანდელი დღე არის პრინციპულად მნიშვნელოვანი.

"საარჩევნო კამპანია იყო დაძაბული, მაგრამ დღეს სამივე კანდიდატი ერთად ვართ და დელეგატების გადაწყვეტილებებს ველოდებით. მონაწილეობისთვის მინდა ყველას მადლობა გადავუხადო. ვიცი, რა უნდა გაკეთდეს, რომ ქართული ფეხბურთი უკეთესი იყოს", - განაცხადა კობიაშვილმა.

მისივე თქმით, მას აქვს ძალიან დიდი რესურსი, როგორც ქვეყნის შიგნით, ისე ქვეყნის გარეთ და ამ რესურსს გამოიყენებს ქართული ფეხბურთისთვის.