"სამედიცინო კორპორაცია ევექსმა" გლდანის მე-5 მიკრორაიონში, "თელასის" შენობის მომიჯნავედ, მცირე ზომის ამბულატორიული ცენტრი "ჩემი კლინიკა" გახსნა.

როგორც "ინტერპრესნიუსს" "სამედიცინო კორპორაცია ევექსმა" აცნობეს, გლდანის მოსახლეობას შესაძლებლობა აქვს, რაიონიდან გაუსვლელად, პირველადი ჯანდაცვის სერვისებით 09:00 საათიდან 21:00 საათამდე ისარგებლონ. პაციენტები გლდანის მე-5 მიკრო რაიონის მცირე ზომის ამბულატორიულ ცენტრში კვირის განმავლობაში შეუფერხებლად შეძლებენ ოჯახის ექიმის, კარდიოლოგის, ენდოკრინოლოგის, ნევროლოგის, დერმატოლოგის, ალერგოლოგის მომსახურების მიღებას, ლაბორატორიული კვლევების ჩატარებას.

გლდანის მე-5 მიკრო რაიონში, "სამედიცინო კორპორაცია ევექსის" ამბულატორიული ცენტრი პაციენტებს ყოველდღე, შაბათ-კვირის ჩათვლით მოემსახურება.