შსს- 2006-დან 2012 წლამდე საქართველოს ტერიტორიაზე 12 „კანონიერი ქურდი“ შემოვიდა და გავიდა

შინაგან საქმეთა სამინისტროს ინფორმაციით, 2006-დან 2012 წლამდე საქართველოს ტერიტორიაზე 12 „კანონიერი ქურდი“ შემოვიდა და გავიდა. ”ინტერპრესნიუსს” უწყებიდან აღნიშნული პირების სია მიაწოდეს : 1.2008 წ. აპრილი ე.წ. „პაწუა“; 2.2008 წ. თებერვალი ე.წ „თავა“; 3.2011 წ. თებერვალი ე.წ. „გოჩა რუსთავსკი“; 4.2011 წ. დეკემბერი ე.წ. „რამაზა“; 5.2009 წ. ოქტომბერი ე.წ. „ამირან ლანჩხუთსკი“; 6.2008 წლის თებერვალი ე.წ. „ბოქსიორა“; 7. 2009 წლის ივნისი ე.წ. „რამაშკიჩი“; 8. 2010 წლის ივნისი ე.წ. „ბეგო“; 9.2009 წლის სექტემბერი ე.წ. „ძაგუნია“; 10.2009 წლის თებერვალუ ე.წ. „კობა სუხუმსკი“; 11. 2009 წლის მაისი ანთიმოზ ქ.; 12.2012 წლის იანვარი სულხან ჯ.

23 ივნისს, შს მინისტრმა გიორგი მღებრიშვილმა განაცხადა, რომ 2006-12 წლებში საქართველოში შემოსული და გასული „კანონიერი ქურდების“ შესახებ ინფორმაციას გამოაქვეყნებდა.

„არაერთხელ გასაჯაროვდა იმ „კანონიერი ქურდების“ სია, რომლებმაც 2006-12 წლამდე სახელმწიფოს საზღვარი გადმოკვეთეს და გადაკვეთეს ოფიციალურად და მათ მიმართ არანაირი ზომები არ გამოიყენეს, არავინ დაუკავებიათ და პირიქით, თავისუფლად გადაადგილდებოდნენ“, - განაცხადა მღებრიშვილმა.