საფრანგეთის პროკურორი ფრანსუა მოლენი ადასტურებს, რომ პირი, ვინც ნიცაში ტერაქტი განახორციელა და 84 ადამიანი იმსხვერპლა, მოჰამედ ლაჰუაეჯ-ბუხლელია. ამის შესახებ „ფიგარო“ იუწყება.

პროკურორის განცხადებით, მოკლული ტერორისტი სრულიად უცნობი იყო სპეცსამსახურებისთვის და არასოდეს გამოუვლენია რადიკალიზმი.

დღეს გავრცელებული ინფორმაციით, 31 წლის მოჰამედ ლაჰუაეჯ-ბუხლელს საფრანგეთისა და ტუნისის მოქალაქეობა ჰქონდა. დღესვე მისი სავარაუდო ფოტოც გამოქვეყნდა.