მეზობლები გლდანში მომხდარი ტრაგედიის შესახებ დეტალებს ჰყვებიან

მეზობლები გლდანის მე-2 მიკრორაიონში მომხდარი უბედური შემთხვევის შესახებ დეტალებს ჰყვებიან. როგორც ადგილობრივები იხსენებენ, დედა მე-9 სართულზე მას შემდეგ ავიდა და ფანჯრიდან გადმოხტა, რაც ნახა, რომ მისი მცირეწლოვანი შვილი გარდაცვლილი იყო.

„ყველანი სახლში ყოფილან. რაღაცას აკეთებდნენ ალბათ რძალ-დედამთილი. დედამ გამოიხედა ბავშვი სად არისო, გადმოიხედა ფანჯრიდან და დაინახა, რომ ბავშვი ძირს ეგდო. ჩამოვიდა ძირს, მამამთილს მიაწოდა ბავშვი თურმე, ეს ქალი გაიქცა მე-9 სართულზე, შემოჯდა ფანჯარაზე და გადმოხტაო. ძალიან ტკბილი ოჯახი ჰქონდათ“, - აცხადებენ ადგილობრივები.

არსებული ინფორმაციით, გარდაცვლილი ქალი 28 წლის, ბავშვი კი, რომელიც მე-9 სართულის აივნიდან გადმოვარდა, წლინახევრის იყო.

ადგილზე ექსპერტ-კრიმინალისტები მუშაობენ.

იხილეთ ვიდეო: "მამამთილს მიაწოდა გარდაცვლილი ბავშვი, შემოდგა ფანჯარაზე და გადმოხტა" - გლდანში დედა-შვილი ადგილზე გარდაიცვალნენ