ბათუმში, პლაზას მიმდებარე ტერიტორია ამ წუთებში მოქალაქეების ერთ ნაწილს გადაკეტილი აქვს. ისინი საპატრულო პოლიციის მიერ ჯარიმებს დაწერის საკითს აპროტესტებენ. მათი თქმით, პოლიციელები უსაფუძვლოდ აჯარიმებენ. როგორც ჭავჭავაძის ქუჩაზე შეკრებილები აცხადებენ, იქამდე არ დაიშლებიან, ვიდრე პოლიციის მიერ დაკავებულ 2 მოქალაქეს არ გაათავისუფლებენ.

როგორც „ინტერპრესნიუსს“ შსს-ში განუცხადეს, ბათუმში, ჭავჭავაძის ქუჩაზე ორი ადამიანი დააკავეს. შსს-ს ინფორმაციით, ორმა პირმა ტრანსპორტით მოძრაობის წესები დაარღვია, რამაც მოძრაობის შეფერხება გამოიწვია. უწყების ინფორმაციით, მათ სამართალდამცავებს წინააღმდეგობა გაუწიეს.

შინაგან საქმეთა სამინისტროს პრესსამსახურის ცნობით, აღნიშნული პირების დაკავება ადმინისტრაციული კოდექსის 173-ე მუხლის საფუძველზე მოხდა.

უკომენტაროდ: ხმაური ბათუმში და დაკავებული 5 პირი - რა ხდება ჭავჭავაძის ქუჩაზე